Rusiye arbiyleri quralaynıñ 8-nde Zaporijjâ vilâyetiniñ sekiz meskün yerine üç künlik ateş toqtatılmasına baqmadan, 220 kere ücüm etti, dep bildirdi vilâyetniñ arbiy memuriyetiniñ yolbaşçısı İvan Fedorov.
"Çeşit modifikatsiyalı 150 dron Primorske, Kamenske, Gulâypole, Şçerbakı, Novodanilovka, Kiçik Tokmaçk, Çarivne, Novodarovkağa ücüm etti. 70 topKamenke, Gulâypole, Şçerbakı, Novodanilovka, Kiçik Tokmaçk, Çarivne ve Novodarovka topraqlarına etildi", — dep bildirdi OVA yolbaşçısı ve qayd etti ki, Vasilyev rayonı boyunca ücüm neticesinde qadın elâk olğan.
Onıñ aytqanına köre, daire, şahsiy evler ve mesken olmağan binalarnıñ bozulğanı ve zarar körgeni aqqında doquz haber kelgen.
"Rusiye özü ilân etken arbiy areketlerde teneffüske riayet etmey... Er kün atışlar devam ete, keçken afta duşman yañı antirekord qoydı — bir künde Zaporijjâ vilâyetinde 620-den ziyade darbe endirildi", — dep qayd etti Fedorov.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.AqiqatnıñTelegram ve İnstagram saifelerinden taqip etiñiz.
