Quralaynıñ 7-nde Qırımtatar resurs merkezi (QRM) Qırımda 24 yaşındaki qırımtatar Hatice Büyükçannıñ tutulması aqqında haber etti. Bu aqta olar "Naciye Femi" Telegram kanalından malümat aldılar. "Krım SOS" aq qorçalayıcı teşkilâtı bu tutuvda zorlap ğayıp etmekniñ bütün alâmetleri mevcut, dep bildire.
"Mevcut faktlarnı köz ögüne alğanda, Haticeniñ Qırımda işğalci uquq qorçalav organlarınıñ hadimleri tarafından tutulması, onıñ territoriyası sistemli siyasiy sebeplli taqipniñ obyekti oluvı, onıñ bulunğan yeri aqqında soñki malümat sukünetini köz ögüne alğanda, ve bu vaqiada yardım etmekniñ mümkün olmağanını köz ögüne alğanda — bu sırf zorlap ğayıp etmektir", — dep, qayd etti "KrımSOS".
Olar, halqara uquqqa köre, zorlap ğayıp etüv üç elementni qavrap alğanını qayd ettiler: apiske aluv, yaqalav, qaçıruv ya da er angi başqa şekilde serbestlikten marum etüv; yuqarıdaki areketlerniñ devlet vekilleri ya da devletniñ desteginen areket etken şahıslar tarafından eda etilmesi; serbestlikten marum etilgeni ya da ğayıp olğan adamnıñ taqdiri ya da bulunpğan yeri aqqında malümat gizlengeni faktını tanımamaq, bunıñ neticesinde o adamnı qanun qorçalavı olmadan qaldırmaqtır.
Evel QRM haber etkeni kibi, quralaynıñ 6-sı sabasında Büyükçan avtobusnen Eski Qırımdan Aqmescitke yol alğan edi, bundan soñ, o, ğayıp olğan
Quralaynıñ 7-sinde qıznı Rusiye FAB-sı tutqanı aqqında belli oldı. Şimdilik apiske yaqalav sebepleri belli degil. Onıñ tutulğan yeri aqqında da resmiy malümat yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.AqiqatnıñTelegram ve İnstagram saifelerinden taqip etiñiz.
